Aston Villa laka hma an rawn lak let vak hnu pawhin, Manchester United chuan November international break a thlen meklai hian relegation zone-ah dinhmun an la luah reng a ni.

Head coach Michael Carrick-a'n mawhphurhna a chelh chhunzawm zel rih dawn nge dawn lo tih a la chian loh laiin, INEOS chuan January transfer window inhawng turah an squad thuamchak a ngai takzet tih an hria a ni.

United chuan Brighton-a striker rawlthar kum 19 mi Charalampos Kostoulas chu an tlarhma thuam chak nana chhawr theih turin an ngaihven mek nia report a ni a. Tun season chhung inelna hrang hrangah Kostoulas hi goal khung leh assist nei in a vaia goal 9-ah (9GA) inrawlh tawhin, United scout-te pawhin a chet ṭhat em avangin an ngaisang hle a ni.

Red Devils hian January transfer bazar-ah he rawlthar theihna ngah tak hi lakluh nan target-ah dah mah se, thil awlsam erawh a ni dawn miah lo thung. Brighton lam hian he player man atan hian sum tam tak an chhiar beisei a ni a, he rawlthar hi club lian dang pawhin an ngaihven ve reng avangin, January thlaah hian a man leh a inleisak dan chungchangah inruhna lian tak a chhuak maithei a ni.